Манчестер Јунајтед му нанесе тежок удар на Челзи, Црвените Ѓаволи убедливо со 3-0 ги прегазија Сините од Стемфорд Бриџ.
Манчестер Јунајтед ја покажа сета своја големина во дерби натпреварот против Челзи, Ѓаволите на Сер Алекс Фергусон убедливо го совладаа конкурентот за титулата.
Сините немоќни како ретко кога, нов кошмар за Луис Фелипе Сколари за кого е се поочигледно дека неможе да се снајде во Премиер лигата.
Челзи пред очите на Мурињо не успеа да создаде ниту една шанса за гол, кризата во Синиот табор е се подлабока.
Натпреварот на Олд Трафорд не понуди фудбалска убавина, малку шанси за гол но многу жар и тензија.
Манчестер Јунајтед ја имаше иницијатива во почетокот на натпреварот но не успеа конкретно да се закани.
Челзи успеа да воспостави рамнотежа и да притисне кон голот на Ван дер Сар но ниту тие не успеаа да направар нешто повеќе.
И кога се очекуваше крај на првиот дел, се затресе мрежата на Челзи.
Најпрво Манчестер Јунајтед изведе брз корнер, Роналдо со глава погоди, но голот беше поништен поради неправилно изведен корнер.
Сепак, по поправниот корнер Јунајтед повторно ја тресеше мрежата на Челзи, овој пат Видиќ постигнува регуларен гол за голема радост на Олд Трафорд, Манчестер поведе со 1-0.
На почетокот од второто полувреме, Сколари го внесе Анелка, но ниту тој не успеа направи нешто повеќе.
Во 63та минута по асистенција на Евра, Вејн Руни успеа да погоди за сигурно водство на Јунајтед од 2-0.
Во продолжението Челзи не успеа да се врати во натпреварот, Манчестер Јунајтед беше тимот кој доминираше.
На три минути пред крајот одлично изведен слободен удар на Роналдо, Бербатов погоди за конечен резултат од 3-0.
Голема победа на Манчестер Јунајтед, за доближување кон врвот и за зголемена самодоверба.
Луис Фелипе Сколари останува без победа на голем натпревар, многу непријатен пораз за Челзи.